चीनको विजय दिवस परेडमा प्रधानमन्त्री ओली (तस्बिरहरू)

दोस्रो विश्वयुद्धमा जापानको पराजयको ८० औं वार्षिकोत्सवको अवसरमा बुधबार चीनको राजधानी बेइजिङमा विजय दिवस परेड मनाइएको छ। 

तियानमेन स्क्वायरमा आयोजित सैन्य परेड समारोहमा विश्वका नेताहरूसँगै नेपालका प्रधानमन्त्री केपी शर्मा ओलीसमेत सहभागी छन्। जापानीहरूले गरेको आक्रमणमा विजय हासिल गरेको दिनको स्मरणमा हरेक वर्ष चीनले विजयोत्सव मनाउँछ। यो ८० औं विजयोत्सव कार्यक्रम हो।

परेडमा हाइपरसोनिक ग्लाइड भेहिकल, वाईने-२१ एन्टी-शिप क्रूज मिसाइल र एलजे-३ पनडुब्बी-प्रक्षेपित ब्यालिस्टिक मिसाइल प्रदर्शन गरिएको थियो। यस बाहेक, डिएफ-५सी आणविक अन्तरमहादेशीय ब्यालिस्टिक मिसाइलको उन्नत संस्करण हो।

यो चीनको अहिलेसम्मकै सबैभन्दा ठूलो सैन्य परेड हो। परेड अघि, रूसी राष्ट्रपति भ्लादिमिर पुटिन र उत्तर कोरियाली नेता किम जोङ-उन सहित सी जिनपिङसँगै विश्वका २५ देशका नेताहरू मञ्चमा देखा परेका थिए।

भारतबाहेक पाकिस्तानी प्रधानमन्त्री शाहबाज शरीफ, पाकिस्तानी सेना प्रमुख असिम मुनीर, नेपालका प्रधानमन्त्री केपी शर्मा ओली र माल्दिभ्सका राष्ट्रपति मोहम्मद मुइज्जु परेडमा उपस्थित थिए।