इनरुवा । हरिनगर गाउँपालिका–४ स्थित अल बरकात दावातुल इस्लाम नेपालको ९औँ साधारणसभाबाट नयाँ कार्यसमिति गठन गरिएको छ।
साधारणसभाले सद्दाम अन्सारीको अध्यक्षतामा ११ सदस्यीय नयाँ कार्यसमिति चयन गरेको हो। नवगठित समितिको उपाध्यक्षमा तबसुम खातुन, सचिवमा नासरिन खातुन, सह–सचिवमा रोशन खातुन र कोषाध्यक्षमा जमसिदा खातुन चयन हुनुभएको छ।
त्यस्तै, सदस्यहरूमा नजमुद्दिन अन्सारी, अब्दुल मोमिन शेख, नसीम अन्सारी, अफजल अन्सारी, मोलिम अन्सारी र सहारुन निसा चयन हुनुभएको छ।
नवनिर्वाचित कार्यसमितिले संस्थालाई थप चलायमान, व्यवस्थित र सेवामुखी बनाउँदै विपन्न, असहाय तथा समस्यामा परेका परिवारको सहयोगमा सक्रिय भूमिका निर्वाह गर्ने जनाएको छ।
कार्यक्रममा हरिनगर गाउँपालिका अध्यक्ष हाजी गफार अन्सारीले संस्थालाई इमानदारी र पारदर्शिताका साथ अघि बढाउन आग्रह गर्दै सामाजिक सेवाका कार्यमा गाउँपालिकाको तर्फबाट आवश्यक सहयोग गर्ने प्रतिबद्धता व्यक्त गर्नुभएको थियो।
