इनरुवा । हरिनगर गाउँपालिका–४ स्थित नवजोश कृषि सहकारी संस्था लिमिटेडको १०औँ साधारणसभाबाट नयाँ सञ्चालक समिति गठन गरिएको छ।
साधारणसभाले साजिद अन्सारीको अध्यक्षतामा नयाँ कार्यसमिति चयन गरेको हो। समितिको उपाध्यक्षमा मेराज अन्सारी, सचिवमा फरयाद अन्सारी र कोषाध्यक्षमा अबरार अन्सारी चयन हुनुभएको छ।
त्यस्तै, सदस्यहरूमा सबरुन खातुन, याकुब मियाँ, अफजल अन्सारी, माजिद अन्सारी र आजाद अन्सारी चयन हुनुभएको छ।
नवनिर्वाचित कार्यसमितिले सहकारीलाई थप चलायमान, पारदर्शी र सदस्यकेन्द्रित बनाउँदै कृषि तथा सहकारी क्षेत्रको विकासमा प्रभावकारी भूमिका निर्वाह गर्ने जनाएको छ।
कार्यक्रमका प्रमुख अतिथि हरिनगर गाउँपालिका अध्यक्ष हाजी गफार अन्सारीले सहकारीलाई इमानदारी र पारदर्शिताका साथ सञ्चालन गर्न आग्रह गर्दै गाउँपालिकाको तर्फबाट आवश्यक सहयोग गर्ने प्रतिबद्धता व्यक्त गर्नुभयो।
