काठमाडौं : इन्डियन प्रिमियर लिग (आईपीएल) २०२५ मा प्लेअफ खेलहरूको समय नजिकिँदैछ। गुजरात टाइटन्स, रोयल च्यालेन्जर्स बैंगलोर, पञ्जाब किंग्स र मुम्बई इन्डियन्स प्लेअफमा प्रवेश गरेका छन्।
बाँकी छ टोलीहरू पहिले नै प्याक अप भइसकेका छन्। आईपीएल २०२५ को फाइनल जुन ३ मा अहमदाबादको नरेन्द्र मोदी रंगशालामा हुनेछ।
आईपीएल २०२५ केही टोलीका लागि नराम्रो सपना साबित भयो। केही भारतीय खेलाडीका लागि पनि यो सिजन उनीहरूको अपेक्षा विपरीत रह्यो। केही स्टार खेलाडीले आफ्नो ठुलो मूल्य औचित्य प्रमाणित गर्न असफल भए र उनीहरूका टोली प्लेअफबाट पनि बाहिरिएका छन्।
आउनुहोस् हेरौँ ५ त्यस्ता खेलाडी
ऋषभ पन्त (२७ करोड) : आइपीएल २०२५ मा सबैको नजर लखनउ सुपर जायन्ट्स (एलएसजी) का कप्तान ऋषभ पन्तमाथि थियो। तर उनको ब्याटिङले फ्यानहरूलाई निराश बनायो। ऋषभले १३ खेलमा १३.७२ को औसतमा मात्र १५१ रन बनाएका छन्। यस अवधिमा उनको स्ट्राइक रेट १०७.०९ रहेको छ। ऋषभको कप्तानी पनि कमजोर रह्यो र राम्रो सुरुवातका बाबजुद पनि उनको टोली प्लेअफमा पुग्न सकेन।ऋषभलाई २७ करोड रुपैयाँमा लखनऊ सुपर जायन्ट्समा समावेश गरिएको थियो।
वेंकटेश अय्यर (२३.७५ करोड) : मध्यक्रमका ब्याट्सम्यान वेंकटेश अय्यरलाई कोलकाता नाइट राइडर्स (केकेआर)ले २३.७५ करोड रुपैयाँमा पुनः अनुबन्ध गरेको छ। तर यस सिजनमा वेंकटेश अय्यरको ब्याट पूर्ण रूपमा मौन रह्यो। वेंकटेशले ७ इनिङ्समा २०.२८ को औसत र १३९.२१ को स्ट्राइक रेटमा १४२ रन बनाए। उनको स्कोर ६, ३, ६०, ४५, ७, १४ र ७ थियो।
इशान किशन (११.२५ करोड) : विकेटकिपर–ब्याट्सम्यान इशान किशनले सनराइजर्स हैदराबादका लागि आफ्नो डेब्यू खेलमा अविजित १०६ रन बनाए। त्यसपछि यस्तो लाग्थ्यो कि यो सिजन इशान किशनको नाममा हुनेछ। तर त्यो शतकीय इनिङ्स पछि उनको फर्म ट्र्याक बाहिर गयो। इशानले यस सिजनमा १२ खेलमा २३१ रन मात्र बनाउन सकेका छन्। यस अवधिमा उनको औसत २५.६६ र स्ट्राइक रेट १४०.८५ रहेको छ। इशान ११.२५ करोड रुपैयाँमा सनराइजर्स हैदराबादमा सामेल भए। तर उनी टोलीको अपेक्षा अनुसार चल्न सकेनन्।
मोहम्मद शमी (१० करोड) : सनराइजर्स हैदराबादका फास्ट बलर मोहम्मद शमीको आईपीएल २०२५ मा राम्रो प्रदर्शन भएको छैन। आगामी इङ्गल्याण्ड भ्रमणलाई ध्यानमा राख्दै भारतीय टोलीको लागि यो चिन्ताको विषय पनि हो। शमीले हालको आईपीएल सिजनमा ९ खेलमा ५६.१६ को औसत र ११.२३ को कमजोर इकोनोमी रेटमा केवल ६ विकेट मात्र लिएका छन्। खराब प्रदर्शनका कारण शमी पछिल्ला केही खेलहरूमा प्लेइङ–११ बाट बाहिर बस्नुपरेको थियो। आईपीएल २०२५ को मेगा अक्सनमा शमीलाई हैदराबादले १० करोड रुपैयाँमा किनेको थियो।
रविचन्द्रन आश्विन (९.७५ करोड) : अनुभवी स्पिनर रविचन्द्रन आश्विन १० वर्षपछि चेन्नई सुपर किंग्समा फर्किएका छन्। चेन्नई सुपर किंग्सका फ्यानहरूले उनले आईपीएल २०२५ मा उत्कृष्ट प्रदर्शन गर्ने आशा गरिरहेका थिए। तर यस सिजनमा उनी खराब लयमा देखिए। आश्विनले ९ खेलमा केवल ७ विकेट मात्र लिन सकेका छन्। यस अवधिमा अश्विनको इकोनोमी रेट ९.१२ र औसत ४०.४२ थियो। आश्विन ९.७५ करोडमा चेन्नई सुपर किंग्समा सामेल भएका थिए।
