रुकुम पूर्वको भुमे गाउँपालिका–५, धौलापैरा क्षेत्रमा बुधबार बिहान पहिरो खसेपछि मध्यपहाडी लोकमार्ग पूर्णरूपमा अवरुद्ध भएको छ । जिल्ला आपत्कालीन कार्य सञ्चालन केन्द्र रुकुम पूर्वका अनुसार बिहान करिब ६:३० बजे परेको अविरल वर्षासँगै आएको पहिरोले सवारीसाधन आवतजावत ठप्प भएको हो ।
घटनापछि प्रहरी र सशस्त्र प्रहरी बल नेपालको २५ जनाको संयुक्त टोलीले सडक खुलाउने प्रयास जारी राखेको केन्द्रले जनाएको छ । साथै, सिस्ने गाउँपालिकाले स्काभेटर पठाउने तयारी गरेको छ ।
बुधबार बिहान पख रुकुम पूर्व आसपास ठूलो वर्षा भएको थियो ।
