सप्तरी, बर्मझिया – सशस्त्र प्रहरी बल, नेपाल अन्तर्गत दन्तकाली विशेष कार्य तालीम शिक्षालय, बर्मझियामा सम्पन्न सि.सं. २३७ (ग) सशस्त्र प्रहरी जवान आधारभूत तालीम समारोहमा मुस्लिम समुदायबाट पाँच जना नवदीक्षित भएका छन्।
आज सम्पन्न दीक्षान्त समारोहमा अजाद धुन्या, अजान अन्सारी, सुभान अन्सारी, सम्साद मिया लगायत अन्य प्रशिक्षार्थी दिक्षित भएका छन्। दीक्षित जवानहरूले सशस्त्र प्रहरी बलमा उच्च समर्पणका साथ सेवा गर्ने प्रतिज्ञा गरेका छन्।
उक्त समारोहमा उच्च पदस्थ अधिकृतहरूको उपस्थितिमा सफल प्रशिक्षार्थीहरूलाई प्रमाणपत्र प्रदान गरिएको थियो। समारोहमा प्रशिक्षार्थीहरूको कठिन मेहनत, अनुशासन र लगनशीलताको प्रशंसा गर्दै सफल कार्यकालका लागि शुभकामना व्यक्त गरिएको थियो। Jasus Khabar #jasuskhabar
