प्रधानमन्त्री केपी ओली नेतृत्वको सरकारका प्रमुख साझेदार नेपाली कांग्रेसका सभापति शेरबहादुर देउवाले शनिबार फेसबुकमा एउटा पोस्ट गरे- सुनसरीमा नेपाल उराँव संघको स्थापना दिवस तथा पूजा कार्यक्रमलाई सम्बोधन गरेकोबारे। ओली नेतृत्वको सरकारले फेसबुक, ट्विटर, ह्वाट्सएपसहित २६ वटा सामाजिक सञ्जालहरू बन्द गरेपछि देशभरिको सञ्चार प्रभावित भएको छ।
नेपाली कांग्रेसका महामन्त्री गगन थाापालगायतले यो प्रतिबन्धको विरोध गरे पनि सभापति देउवा भने सत्ता साझेदार ओलीकै पक्षमा उभिएका छन्।
ताजा अपडेटका लागि हामीलाई tiktok र viber मा पछ्याउनुहोस्
उनै देउवाले फेसबुकमा शनिबार पोस्ट गरे- आज सुनसरीको भोक्राहा नरसिंह नगरपालिकामा नेपाल उराँव संघको स्थापना दिवस तथा करम पूजा कार्यक्रमलाई सम्बोधन गरेको छु। देउवाले केही फोटो पनि पोस्ट गरे।
सामाजिक सञ्जाल बन्दको विरोधमा उभिएका काठमाडौँ महानगरपालिकाका मेयर बालेनले देउवाको पोस्टमा कमेन्ट लेखे- ‘यो पोस्ट कुन भिपिएनबाट हो, नेपाली हो कि विदेशी। साह्रै गाह्रो हुने रहेछ, भिपिएनबाट चलाउन त!’
देउवाको पोस्टमा ३ हजार ४ सय लाइक आउँदा बालेनको कमेन्टमा भने १३ हजारभन्दा बढीले लाइक गरेका छन्।
