रिभर फल्स पावर लिमिटेडले सोमबारदेखि हकप्रद सेयर निष्काशन खुला गरेको छ ।
कम्पनीले चुक्ता पुँजीको सय प्रतिशत हकप्रद शेयर निष्काशन गरेको हो । कम्पनीले हाल कायम एक कित्ता सेयर बराबर नयाँ एक कित्ता अनुपातमा हकप्रद निष्काशन गरेको हो ।
कम्पनीले ७० करोड रुपैयाँ बराबरको प्रतिसेयर सय रुपैयाँ अङ्कित मूल्यका ७० लाख कित्ता हकप्रद सेयर बिक्री गर्ने भएको छ ।
कम्पनीले साउन २६ गते एक दिनका लागि बुक क्लोज गरिसकेको छ । हकप्रद शेयरमा असोज १२ गतेसम्म आवेदन पाउँछन् । सेयर निष्काशन तथा बिक्री प्रबन्धक प्रभु क्यापिटल लिमिटेड रहेको छ ।
कम्पनीको चुक्ता पुँजी ७० करोड रुपैयाँ छ । हकप्रद निष्काशन तथा बाँडफाँडपश्चात कम्पनीको चुक्ता पूँजी एक अर्ब ४० करोड रुपैयाँ पुग्नेछ ।
