गएका दुई दिनमा तीन हजार दुईसय रुपैयाँ घटेको सुनको मूल्य आज थोरै बढेको छ। चाँदी पनि आज महँगिएको छ। सुनको मूल्यमा आज प्रतितोला एकसय रुपैयाँ बढेको नेपाल सुनचाँदी व्यवसायी महासंघले जनाएको छ। सुनको मूल्य आज तोलाको एक लाख ९२ हजार तीनसय रुपैयाँ कायम भएको छ।
गएको मंगलबार सुनको मूल्य प्रतितोला एक हजार सातसय र बुधबार एक हजार पाँचसय रुपैयाँ घटेको थियो। हिजो सुनको मूल्य तोलाको एक लाख ९२ हजार दुईसय रुपैयाँ थियो। गएको वैशाख ९ गते सुनको मूल्य एक लाख ९७ हजार नौसय रुपैयाँ पुगेको थियो। सुनको यो मूल्य हालसम्मकै सबैभन्दा उच्च हो। आज चाँदीको मूल्य पनि तोलामा ३५ रुपैयाँ बढेको छ। आज चाँदीको मूल्य तोलाको दुई हजार १७५ रुपैयाँ निर्धारण भएको सुनचाँदी व्यवसायी महासंघले जनाएको छ।
