अर्घाखाँचीसहित तीन जिल्लामा मध्यमदेखि भारी वर्षा भइरहेको छ ।
जल तथा मौसम विज्ञान विभागले मधेशको सप्तरीस्थित रुपनी बजार र बरमझिया आसपासको क्षेत्र तथा लुम्बिनीको कपिलवस्तु र अर्घखाँची आसपासको क्षेत्रमा मध्यमदेखि भारी वर्षा भइरहेको जनाएको छ ।
त्यस्तै मधेश प्रदेशलगायत कोशी प्रदेशको तराई क्षेत्र तथा बागमती प्रदेश, गण्डकी प्रदेश र लुम्बिनी प्रदेशको थोरै स्थानहरूमा हल्कादेखि मध्यम वर्षा भइरहेको छ ।
मौसम पूर्वानुमान महाशाखाले आज दिउँसो देशका अधिकांश स्थानमा मध्यमदेखि भारी वर्षाको सम्भावना रहेको जनाएको छ ।
