सुनसरी । सुनसरीको कोशी गाउँपालिकाका अध्यक्ष ऐयुब अन्सारीले खेलकुदको विकासमा आफु प्रतिबद्ध रहेको बताउनुभएकाे छ ।
सोमबार सुनसरीको कोशी गाउँपालिका वडा-५ स्थित कुम्याही श्रीपुरमा छैटौं अध्यक्ष कप फुटबल प्रतियोगिताको समापन समारोहलाई सम्बोधन गर्दै वहाँले खेलकुदको विकासको लागि स्थानीय सरकार प्रतिबद्ध रहेको बताउनुभयो ।
गाउँपालिका महासंघ कोशी प्रदेशका अध्यक्ष तथा नेपाली काङ्ग्रेस सुनसरी क्षेत्र-४ का सभापति समेत रहनुभएका नेता ऐयुब अन्सारीले खेलकुद क्षेत्रलाई व्यवस्थित र मर्यादित बनाउन आफु प्रतिबद्ध रहेको बताए ।
अध्यक्ष अन्सारीले विभिन्न बाधा, अवरोध र अप्ठ्याराका बाबजुद पालिका अन्तरगत खेलकुदलाई प्राथमिकता दिएको बताउनुभयो । वहाँले स्थानीय खेलाडी उत्पादनमा जोड दिदै खेलमैदानको विकास र स्तरउन्नतिको लागि काम गरिने प्रतिबद्धता व्यक्त गर्नुभयो ।
